Channd Bikhre Alfaaz
By Manjusha Handa
Bikhre kai alfaaz mez pe,
ek idhar gira, kai udhar pade
hain yeh befuzool se,
jabtak khayaal nikhar na jaaye inse!
in alfaazon se batorlo,
bakhoob mutasir jinse tum,
unn Chunninda lafzon ko!
fir apne dil-o-dimaag pe tum,
in lafzon se taameer karo,
khubsurat see tasveer-e-tabassum,
yeh khayalon ki tasveer jo,
rooh ka ho sukoon-e-takallum
dil-e-aabaad ka farmaan ho!
khayaal to taamir karein wahi,
hai tumhari hakikat jo!
per lafzon ka chunav hi,
ujaagar kare hakikat ko!
Meanings:
Takallum: Conversation
Farmaan : Command
Tabassum: smile
Bakhoob mutasir: very well, fond of