Talaash
By Manjusha Handa
khud ka pataa dhoondti hun, khud se milne ki khwahish hai
kehete hain, yeh anaa se judaa hikmati masla hai
khud ko jo pa liya, mano ehsaas-e-kainaat ho chalaa,
per yun hi, khud ki hastee pe ab halka halka shaq sa hone lagaa
usee dhundne ke jaroorat hi kyun, jo kahin hai hi nahi
Dar-haqeeqat, adhure khud ko taameer karna hi sahi
Meanings of Urdu/Arabic words:
Anaa – Self, ego
Hikmati- philosophical, wise, clever
Taameer- create, invent
Dar-haqueeqat – in reality